Меліціна Станюта стала сведкай наймацнейшага тайфуну ў Японіі

Тайфун «Хагібіс», наймацнейшы за апошнія 60 гадоў, абрынуўся на Японію ў суботу.

Меліціна Станюта апавяла пра сустрэчу са стыхіяй. Гімнастка, якая закончыла прафесійную кар'еру, прыбыла ў Токіа з майстар-класам, паведамляе pressball.by.

За дзень да тайфуну Станюта апублікавала ў Інстаграме трывожнае паведамленне.

– Стаю я тут такая шчаслівая на фоне вясёлкавага такійскага моста два дні таму. А сёння рыхтуюся да тайфуну, магчыма, самога моцнага за апошнія 60 гадоў. Бацькі гімнастак прынеслі ежы на [цэлую] армію, каб я не выходзіла нікуды заўтра (такой забітай лядоўні не памятаю ў сябе). Паклала блізка пашпарт. Што яшчэ... Ляжу і разважаю, баяцца мне ці не вельмі.

Анамальную спёку ў Кітаі перажыла, паднімаючыся на кітайскую сцяну (гэта быў адзіны выходны, і страчваць магчымасць не хацелася), у тым жа Токіа адчувала землятрус і слухала ноччу раўнамернае рыпенне тросаў будынка... Вось цяпер тайфун.

У каментарах падпісчыкі сталі даваць спартоўцы рэкамендацыі:

– Ты павінна гэта зазняць! Першымі паляцяць білборды ды платы. Потым лініі электраперадачаў. Ад іх трымайся далей. Астатняе ў Японіі павінна вытрымаць. Ну і блізка да ўзбярэжжа не падыходзь, рэльеф вышэйшы выбірай для здымак.

– І потым палячу я. І наўрад ці мне сустрэнецца дрывасек, пудзіла і г.д. – аджартавалася гімнастка.

Непагадзь Станюта перажыла, зачыніўшыся ў нумары гатэля. На наступным дзень надвор'е было ясным.

Колькасць ахвяраў тайфуну "Хагібіс" дасягнула 33 чалавек. 19 чалавек мяркуюцца зніклымі без вестак і блізу 150 атрымалі траўмы.