Японія плануе стварыць ударныя самалёты для электроннай вайны
2- 13.01.2019, 19:12
- 13,158
Галоўнай мэтай стварэння такіх самалётаў з'яўляецца здольнасць супрацьдзейнічаць узброеным сілам РФ і Кітая
Японскі ўрад наважыў распрацаваць ударныя самалёты для вядзення электроннай вайны. Пра гэта паведамляе РБК-Украина са спасылкай на газэту Yomiuri.
Самалёты будуць здольныя сапсаваць радары і сістэмы сувязі супраціўніка.
Так, галоўнай мэтай стварэння такіх самалётаў з'яўляецца здольнасць супрацьдзейнічаць узброеным сілам Расеі і Кітая. Распрацоўка ўдарных самалётаў, са слоў чыноўнікаў, увасабляе ў сабе змест плана абароны, прынятага кабінетам міністраў у снежні 2018 года.
Першыя самалёты плануюць перадаць узброеным сілам пад 2027 год.