Ізраіль атакаваў аб'екты баевікоў ХАМАСа ў адказ на ракетны абстрэл

ЦАХАЛ нанёс удар у паўночнай частцы сектара Газа.

Неўзабаве пасля паўночы, у нядзелю, 13 студзеня, прэс-служба Войска абароны Ізраіля паведаміла, што ў адказ на нядаўні ракетны абстрэл з Газы ЦАХАЛ атакаваў дзве падземныя інфраструктуры баевікоў ХАМАСа ў паўночнай частцы сектара, паведамляе newsru.co.il.

У паведамленні армейскай прэс-службы падкрэсліваецца, што Ізраіль ускладае на ХАМАС адказнасць за любыя варожыя дзеянні з сектара Газы.

Хамасаўскі «Палестынскі інфармацыйны цэнтр» паведамляе, што цэлі ў Газе былі атакаваныя артылерыяй і самалётамі ЦАХАЛа: спачатку вайсковая авіяцыя нанесла ўдар па цэлі ў раёне Шаджайя, на ўсход ад горада Газа, затым, праз некалькі хвілін, з гармат была абстраляная іншая цэль, таксама на ўсход ад горада Газа, затым ізраільскія ВПС атакавалі цэлі ў раёнах Джабаль ар-Райс і Аль-Туфа. Інфармацыі пра пацярпелых у выніку гэтых удараў ХАМАС не друкуе.

Як паведамлялася раней, 12 студзеня а 20:59 сірэна «Цева адом» спрацавала ў населеных пунктах рэгіянальных саветаў Шаар а-Негеў і Сдот-Негеў, адразу пасля таго, як у бок ізраільскай тэрыторыі з сектара Газы была выпушчаная адна ракета. Пацярпелых не было. Ракета ўпала на незабудаванай мясцовасці. А 22:10 вайскоўцы паведамілі, што выяўлена месца падзення ракеты: на тэрыторыі рэгіянальнага савета Сдот Негеў.

Статыстыка ракетных абстрэлаў Ізраіля з тэрыторыі сектара Газы. 2001-2019 гады

(У статыстыцы ўлічваюцца толькі ракетныя абстрэлы, але ўказваецца агульная колькасць пацярпелых у выніку ракетна-мінамётных абстрэлаў; улічваюцца ракеты, што падалі на ізраільскай тэрыторыі)

2019-ы год. 2 абстрэлы, 2 ракеты. 1 ракета збітая сістэмай СРА. Пацярпелых няма.

2018-ы год. 302 абстрэлы, 941 ракета. 200 ракет збітыя сістэмай СРА. Адзін загінулы, 61 паранены.

2017-ы год. 21 абстрэл, 30 ракет. 7 ракет збітыя сістэмай СРА. Загінулых і параненых няма.

2016-ы год. 12 абстрэлаў, 16 ракет. Загінулых і параненых няма.

2015-ы год. 28 абстрэлаў, 31 ракета. 2 ракеты збітыя сістэмай СРА. Загінулых і параненых няма.

2014-ы год. 1451 абстрэл, 3686 ракет. 807 ракет збітыя сістэмай СРА. 14 загінулых, 169 параненых.

2013-ы год. 31 абстрэл, 48 ракет. 3 ракеты збітыя сістэмай СРА. Загінулых і параненых няма.

2012-ы год. 794 абстрэлы, 2078 ракет. 520 ракет збітыя сістэмай СРА. 6 загінулых, 107 параненых.

2011-ы год. 229 абстрэлаў, блізу 390 ракет. 34 ракеты былі збітыя сістэмай СРА. 3 загінулыя, 38 параненых.

2010-ы год. 86 абстрэлаў, блізу 100 ракет - 1 загінулы, 2 параненых.

2009-ы год. 302 абстрэлы, блізу 570 ракет - 42 параненых.

2008-ы год. 560 абстрэлаў, блізу 1490 ракет - 7 загінулых, 162 параненых.

2007-ы год. 437 абстрэлаў, блізу 760 ракет - 2 загінулыя, 125 параненых.

2006-ы год. 580 абстрэлаў, блізу 1020 ракет - 2 загінулыя, 36 параненых.

2005-ы год. 123 абстрэлы, блізу 270 ракет - 6 загінулых, 26 параненых.

2004-ы год. 118 абстрэлаў, блізу 260 ракет - 5 загінулых, 46 параненых.

2003-ы год. 80 абстрэлаў, блізу 100 ракет - пацярпелых няма.

2002-ы год. 17 абстрэлаў, блізу 20 ракет - пацярпелых няма.

2001-ы год. 5 абстрэлаў, 5 ракет - пацярпелых няма.