Відэафакт: Журналіст «Белсата» пераапрануўся ў Дзеда Мароза, каб патрапіць да кіраўніка «Белэнерга»
- 11.01.2019, 21:38
- 11,372
Станіславу Івашкевічу давялося пайсці на хітрасць, каб патрапіць на прыём да Паўла Дразда.
Журналіста «Белсата» Станіслава Івашкевіча ахова не прапусціла да генеральнага дырэктара «Белэнерга» Паўла Дразда. Тады карэспандэнт пераапрануўся ў Дзеда Мароза, і ахова, не пазнаўшы журналіста, дазволіла ўвайсці, паведамляе «Радыё Свабода».
Каментар, які хацелі ўзяць у генеральнага дырэктара, датычыўся існавання ў «Белэнерга» ланцуга прыватных фірмаў-зданяў, грошы на якія выпампоўваюць з беларусаў праз квітанцыі. Камітэт дзяржкантролю ўжо зацікавіўся каштарысам на 9 мільёнаў даляраў новага офіснага будынка «Белэнэрга» ў цэнтры Менска. Пры гэтым на мадэрнізацыю цепласетак сродкаў хранічна не стае.
Генеральны дырэктар паведаміў, што на разгляд Лукашэнку прадстаўлены праект рэструктурызацыі энэргетычнай галіны, змены нібыта чакаюцца ў 2019-2020 гадах.
Беларусы вельмі шчодры народ, мы проста так дорым грошы невядомым дзядзям і цёцям, якія ўпісваюць нам лічбачкі ў рахункі.
— Тэлеканал Белсат (@Belsat_TV) 11 января 2019 г.
А цалкам расследаванне пра тое, як фірмы-прывіды павялічваюць лічбы ў жыроўках беларусаў глядзіце тут: https://t.co/z9oTdPL7lw «Давайце разбірацца» ! pic.twitter.com/hH4wT8fwKR
