Трамп паабяцаў спрасціць візавыя правілы для айцішнікаў і медыкаў
9- 11.01.2019, 20:31
- 13,740
Для добрых спецыялістаў стане прасцей атрымаць візу H-1B.
Прэзідэнт ЗША Дональд Трамп заявіў, што плануе ўдасканаліць праграму рабочых віз H-1B для высокакваліфікаваных спецыялістаў, якія працуюць у IT-сектары або медыцыне, паведамляе «Новое время».
«Уладальнікі віз H1-B у Злучаных Штатах могуць быць упэўнены, што хутка адбудуцца змены, якія спросцяць і прынясуць больш пэўнасці ў вашым знаходжанні, уключаючы патэнцыйнае атрыманне грамадзянства», - сказаў Трамп у Twitter.
Са слоў кіраўніка Белага дома, Вашынгтон мае намер заахвочваць таленавітых і высокакваліфікаваных спецыялістаў будаваць кар'еру ў ЗША.
H1-B holders in the United States can rest assured that changes are soon coming which will bring both simplicity and certainty to your stay, including a potential path to citizenship. We want to encourage talented and highly skilled people to pursue career options in the U.S.
— Donald J. Trump (@realDonaldTrump) 11 января 2019 г.
