FAZ: Трамп не гатовы саступіць у спрэчцы аб агароджы

Праца дзяржапарату ў ЗША паралізаваная.

Аглядальнік нямецкай газеты Frankfurter Allgemeine Zeitung Клаўс-Дытэр Франкенбергер (Klaus-Dieter Frankenberger) апублікаваў каментар, прысвечаны спрэчцы прэзідэнта Дональда Трампа з дэмакратамі ў палаце прадстаўнікоў, паведамляе «Немецкая волна».

«Пасля выбараў у Кангрэс многія думалі, што прэзідэнт Трамп і «яго» рэспубліканцы ў Сенаце змогуць у шэрагу пытанняў канструктыўна працаваць з новай дэмакратычнай большасцю ў Палаце прадстаўнікоў. Паводле прынцыпу: «рознапартыйнае кіраўніцтва не абавязкова прыводзіць да паралізаванага кабінету». Першы досвед працы ў такой сітуацыі стаў выцверажальным, а настрой - менш радасным.

Падчас спрэчкі аб дзяржбюджэце прэзідэнт Трамп абарваў сустрэчу з лідарамі Дэмакратычнай партыі, не здолеўшы дамагчыся свайго. Калі не звяртаць увагі на благі стыль, то становіцца відавочна, што ўкаранёны ў асноўным законе прынцып палітычнага супрацоўніцтва паміж партыямі і галінамі ўлады ў ЗША больш не выконваецца.

Гэта вельмі важная акалічнасць. Трамп не гатовы саступіць і настойвае на будаўніцтве агароджы (ці сталёвай загароды) на мяжы з Мексікай - дэмакраты не згаджаюцца з гэтай мерай і не жадаюць даваць дабро на неабходнае фінансаванне. Праца дзяржапарату паралізаваная. У такой сітуацыі не можа быць і гаворкі пра тое, каб палітычная сістэма ЗША і яе кіраўнікі выконвалі б ролю пуцяводнага маяка для астатняга свету».