Беларусь увайшла ў топ-10 краін з самай хуткай стратай працоўных рэсурсаў
13- 11.01.2019, 18:16
- 20,063
У нашай краіне імкліва скарачаецца працаздольнае насельніцтва.
Беларусь увайшла ў топ-10 краін свету з самай хуткай стратай працоўных рэсурсаў. Пра гэта сведчыць агляд Global Economy Watch (пераклад - nn.by) кансалтынгавай кампаніі PricewaterhouseCoopers (PwC) за студзень 2019 года.
У гэтым рэйтынгу страты працоўных рэсурсаў першае месца ў свеце заняла Украіна. За ёй ідуць Балгарыя і Румынія.
Таксама ў пералік гэтых краін увайшлі Балгарыя, Румынія, Літва, Вугоршчына, Латвія, Малдова, Харватыя і Расея.
Як адзначаецца ў аглядзе, у 1999 годзе скарачэнне працаздольнага насельніцтва назіралася толькі ў 16 краінах свету. У 2018 годзе такіх краінаў было ўжо 39.
Пры гэтым скарачэнне працоўных рэсурсаў назіраецца ва ўсіх 23 краінах рэгіёну Усходняй Еўропы.