Аргенціна і Перу забаранілі ўезд чыноўнікам з Венесуэлы
- 11.01.2019, 9:39
- 6,202
Абедзве дзяржавы не прызналі ўладу Мадура легітымнай.
Улады Аргенціна і Перу прынялі пастанову забараніць высокапастаўленым чыноўнікам з Венесуэлы ўезд на тэрыторыю краіны.
Як гаворыцца ў заяве аргенцінскага МЗС, урад Аргенціны праінфармавала Каракас пра пастанову прыпыніць дзеянне пагаднення аб бязвізавым уездзе для дыпламатаў і чыноўнікаў, паведамляе nv.ua.
"Асуджаючы разрыў канстытуцыйнага ладу і вяршэнства закона ў Венесуэле, Аргенціна абвяшчае аб сваім поўным прызнанні нацыянальнай асамблеі як адзіна дэмакратычна абранага органа ў гэтай краіне", - гаворыцца ў паведамленні.
Міністэрства замежных спраў Перу паведаміла пра ўвод абмежавання на ўезд на сваю тэрыторыю Нікаласу Мадура і яшчэ 100 асобам, звязаным з ягоным урадам.
Таксама адзначаецца аб увядзенні шэрагу эканамічных абмежаванняў у дачыненні да Венесуэлы.
Разам з гэтым МЗС Перу адклікала з Венесуэлы для кансультацый часовага паверанага.
"Павераная ў справах амбасады Перу ў Венесуэле першая сакратарка Роза Альварэс Нуньес адкліканая для кансультацый у Ліму", - гаворыцца ў паведамленні.
У чацвер, 10 студзеня, пачалася другая кадэнцыя прэзідэнта Венесуэлы Нікаласа Мадура, нягледзячы на непрызнанне вынікаў выбараў сусветнай супольнасцю.
Нацыянальная асамблея Венесуэлы, кантраляваная апазіцыйнай большасцю, абвясціла другую кадэнцыю прэзідэнта Нікаласа Мадура нелегітымнай.
Еўразвяз выказаў шкадаванне ў сувязі з уступленнем Мадура на пасаду прэзідэнта Венесуэлы.
Нагадаем, што Венесуэла ахопленая эканамічным і палітычным крызісам з 2010 года. З краіны ўжо выехалі мільёны людзей. Крызіс і як следства высокая інфляцыя сталі прычынай сталага дэфіцыту прадуктаў харчавання і медыкаментаў.