Навукоўцы знайшлі на Алясцы сляды 200-метровага цунамі
- 8.09.2018, 10:09
- 12,933
Цяпер такія ж цунамі пагражаюць Грэнландыі, Нарвегіі і Патагоніі.
Навукоўцы з Універсітэта штата Вашынгтон выявілі на Алясцы сляды гіганцкага цунамі, вышыня хваляў якога дасягала двухсот метраў. Іх даследаванне апублікаванае ў часопісе Scientific Reports.
Адзначаецца, што цунамі абрынуўся на ўзбярэжжа фіёрда Таан на Алясцы 17 кастрычніка 2015 года. Гэтая мясцовасць з'яўляецца незаселенай, таму стыхійнае бедства не прывяло да чалавечых ахвяр і засталося амаль незаўважаным, піша ria.ru.
Прычынай цунамі стаў велізарны апоўзень, які сышоў у моры і выкліканы раставаннем ледніка Тындал. Такія цунамі могуць цяпер адбывацца часцей, бо ледавікі растаюць па ўсім свеце, а цунамі на Алясцы таму пацвярджэнне, адзначаюць аўтары даследавання.
Яны таксама ўважаюць, што на сёння такія ж цунамі асабліва пагражаюць такім краінам і рэгіёнам, як Грэнландыя, Нарвегія і Патагонія.
Выявіць сляды цунамі атрымалася дзякуючы даследаванню рэшткаў дрэў, камянёў і глебы на ўзбярэжжы Аляскі. Паводле ацэнак навукоўцаў, маса апоўзня дасягала 180 мільёнаў тон, а гэта цунамі было чацвёртым па памеры з усіх дакладна зафіксаваных у свеце за апошняе стагоддзе.