Якімі касмічнымі распрацоўкамі людзі карыстаюцца ў звычайным жыцці?

Выяўляецца, вельмі многімі.

Амерыканскае агенцтва NASA стварыла інтэрактыўны сайт, які паказвае, якімі касмічнымі распрацоўкамі людзі карыстаюцца ў звычайным жыцці кожны дзень, пішуць Буквы.

Сайт называецца Home & City.

На стартавай старонцы можна выбраць «горад» ці «дом», а затым можна проста блукаць па абранай лакацыі і вывучаць цікавыя факты пра тое, як касмічныя тэхналогіі сталі ўжываць у медыцыне, авіязлучэннях, грамадзянскай бяспецы і гэтак далей.

Напрыклад, вібрацыйны кантроль дапамагае лепш выкарыстоўваць лыжы, сноўборды, бейсбольныя біты, клюшкі для гольфа і тэнісныя ракеткі. Удасканаленне ўсіх гэтых прыстасаванняў пачалося з распрацоўкі NASA тонкага электроднага пластыру, які прызначаецца для кантролю шуму і вібрацыі і выяўлення дэфектаў у лёзах і крылах верталётаў і самалётаў.

Дзякуючы даследаванням NASA ў прыватных дамах, школах, адміністратыўных будынках усталёўваюцца датчыкі дыму, напрыклад. Ёсць датчыкі, якія рэагуюць на заражэнне паветра бактэрыямі, напрыклад, сібірскай язвай. Гэта дапамагае папярэджваць біялагічныя атакі.

Тэхналогія жыццезабеспячэння, распрацаваная для касмічных палётаў, выкарыстоўваецца для вытворчасці экіпіроўкі і сістэм жыццезабеспячэння, напрыклад, для пажарных. Сучаснае дыхальнае абсталяванне лягчэйшае, меншае, а таксама больш магутнае, што дазваляе пажарным даўжэй знаходзіцца ў моцна задымленых памяшканнях.

Да распрацовак агенцтва таксама можна аднесці і вогнеахоўныя матэрыялы.

Дзякуючы эксперыментам NASA з дадаваннем у ежу для касманаўтаў багавіння, свет убачыў узбагачанае дзіцячае харчаванне.

Калі прагуляцца па віртуальнаму дому, то можна даведацца, што дзякуючы NASA ў людзей з'явіліся фільтры для вады, кававыя машыны, амалоджваючы крэм, пакрыццё для сантэхнікі, плойка для выпроствання валасоў, а таксама інфрачырвоны вушны тэрмометр.

Таксама распрацоўкі NASA падарылі людзям ачышчальнікі паветра і святлодыёдныя лямпы.