Дар'я Домрачава змяніла біятлон на каратэ

Чатырохкратная алімпійская чэмпіёнка ўзяла ўдзел у трэніроўцы па каратэ.

Чатырохкратная алімпійская чэмпіёнка Дар'я Домрачава ўзяла ўдзел у трэніроўцы па каратэ ў праекце Bright Team. Занятак праводзіўся ў зале кафедры спартыўна-баявых адзінаборстваў і спецпадрыхтоўкі Беларускага дзяржаўнага ўніверсітэта фізічнай культуры пад кіраўніцтвам майстра баявых мастацтваў, уладальніка другога дана па каратэ, сяміразовага чэмпіёна краіны Андрэя Грыневіча. Пасля інтэнсіўнай размінкі ўдзельнікі трэніроўкі пазнаёмілі з асновамі каратэ.

- Гэты від спорту ўваходзіць у праграму II Еўрапейскіх гульняў, але нямногія ведаюць, што каратэ будзе прадстаўленае і на Алімпійскіх гульнях у Токіа. Мне вельмі спадабалася, як праходзіў занятак: усе інтэнсіўна, некаторыя практыкаванні, на мой погляд, былі б карысныя для біятланістаў. Буду рада, калі мяне запросяць прыняць удзел у трэніроўках і па іншых відах спорту, - цытуе Домрачаву БелТА.

Разам з Дар'яй Домрачавай на татамі сёння выйшлі Тэа, Ганна Шалюціна, вядоўца Яўген Булка і іншыя прадстаўнікі шоў-бізнэсу. Падтрымалі зорак і прадстаўнікі фонду. Намеснік дырэктара фонду Анатоль Котаў адзначыў, што дырэкцыя мае намер і далей праводзіць такія трэніроўкі ў розных відах спорту.