Арамнаў вярнуўся ў вялікі спорт

На ЧС-2018 у цяжкай атлетыцы беларус заняў дзявятае месца ў суме дваяборства ў катэгорыі да 109 кг.

У Ашхабадзе працягваецца чэмпіянат свету ў цяжкай атлетыцы. У катэгорыі да 109 кг беларус Андрэй Арамнаў паказаў 9-ы вынік у суме дваяборства - 392 кг (182 + 210), паведамляе pressball.by.

Золата выйграў Сымон Марцірасян з Арменіі - 435 кг (195 + 240), срэбра ў кітайца Ян Цзі - 419 кг (196 + 223), бронза ў паляка Аркадыуша Міхальскага - 403 кг (175 + 228).

У 2008 годзе Арамнаў выйграў золата Алімпійскіх гульняў у Пекіне ў катэгорыі да 105 кг, падняўшы ў суме 436 кг (200 + 236). У Ашхабадзе ў больш цяжкай вагавой катэгорыі атрымалася на 44 кг менш.