Ізраільскія навукоўцы развянчалі міф аб «піўным жываце»

Па сваёй каларыйнасці піва саступае і малаку, і каве.

Ходкае меркаванне аб тым, што спажыванне піва прыводзіць да ўтварэння «піўнога жывата» (штодзённая назва мужчынскага абдамінальнага атлусцення), не больш чым міф. Пра гэта сведчаць ізраільскія даследаванні, згодна з якімі ніякай спецыфічнай «піўной формы атлусцення» не існуе, піша pivo.by.

Як сцвярджае доктар Мая Розман, набіраюць вагу толькі тыя, хто прывык суправаджаць выпіўку вялікай колькасцю ежы, напрыклад, фаст-фудам, чыпсамі і іншымі высокакаларыйнымі закускамі. Да таго ж, як вядома, алкаголь нават у невялікіх дозах узмацняе апетыт.

Праўда ж палягае ў тым, што па сваёй каларыйнасці піва (у сярэднім 40 ккал на 100 мл) саступае і малаку і каве. Прычым, саступае досыць значна.

Зразумела, у больш моцных гатунках піва калорый больш. Але і малако бывае рознай тлустасці. Так што рызыка зарабіць «жывот» на спажыванні малака ані не меншая, чым на піве.

Падчас даследаванняў быў таксама пацверджаны станоўчы ўплыў піва на функцыянаванне арганізма. У некаторых выпадках, як адзначаецца, піва зніжае рызыку развіцця дыябету, сэрцавых захворванняў і нават ракавых пухлін. Наяўнасць у піве вітамінаў групы В дабратворна адбіваецца на мазгавой актыўнасці і абмене рэчываў.

Разам з тым навукоўцы рэкамендуюць не злоўжываць півам. Для жанчын за ідэальную норму ўважаецца адна бутэлька 0,33 літра, а для мужчын - дзве.

Яшчэ не рэкамендуецца есці падчас ужывання піва, асабліва тлустую ежу. Перад ужываннем піва лепш выпіць пару глыткоў вады, а само піва ўжываць не залпам, а невялікімі глоткамі, каб дазволіць печані лепш выконваць сваю працу.