Футбалістаў Какорына і Мамаева затрымалі
7- 9.10.2018, 14:27
- 22,059
Какорын і Мамаеў збілі як мінімум трох чалавек у цэнтры Масквы.
Футбалісты Аляксандр Какорын і Павел Мамаеў, якія зладзілі некалькі боек у Маскве, затрыманыя, паведамляе РЕН ТБ са спасылкай на ўласныя крыніцы, піша lenta.ru.
Разам з тым у маскоўскай паліцыі інфармацыю аб затрыманні спартоўцаў зняпраўджваюць, удакладняе тэлеканал.
Какорын і Мамаеў збілі як мінімум трох чалавек раніцай 7 кастрычніка ў цэнтры Масквы, іх дзеянні былі захаваныя камерамі відэаназірання. Спярша яны разам з сябрамі напалі на кіроўцу вядоўцы Першага канала Вольгі Ушаковай ля гатэля «Пекін», а праз некаторы час нанеслі пабоі чыноўнікам у кавярні на Вялікай Нікіцкай вуліцы.
Падчас другога інцыдэнту пацярпелі дырэктар дэпартамента аўтапрама і чыгуначнага машынабудавання Мінпрамгандлю Дзяніс Пак і кіраўнік дзяржаўнага навуковага цэнтра «НАМІ» Сяргей Гайсін.
Па факце боек былі распачатыя крымінальныя справы. Футбольныя клубы «Зеніт» і «Краснадар», за якія выступаюць Какорын і Мамаеў адпаведна, паабяцалі пакараць сваіх гульцоў.