МакГрэгар заявіў пра гатоўнасць зноў пазмагацца з Нурмагамедавым
3- 7.10.2018, 20:36
- 17,816
Ірландскі баец ММА заявіў, што чакае рэваншу.
Баец ММА Конар Макгрэгар заявіў, што гатовы зноў пазмагацца з расейцам Хабібам Нурмагамедавым. Пра гэта МакГрэгар напісаў у сваім твітэры, паведамляе «Новая газета».
«Добры ўдар. Чакаю рэваншу», - напісаў ён.
Бой Хабіба Нурмагамедава з Конар МакГрэгорам за тытул чэмпіёна UFC прайшоў 6 кастрычніка ў Лас-Вегасе. Расейскі баец атрымаў перамогу ў чацвёртым раўндзе, выкарыстаўшы задушлівы прыём.
Аднак Нурмагамедаву адмовіліся уручыць чэмпіёнскі пояс UFC праз тое, што ён парушыў правілы, пакінуўшы Актагон да афіцыйнага абвяшчэння выніку двубою. Ён пачаў бойку з трэнерам ірландскага байца ў амерыканскім джыў-джытсу Дыланам Дзянісам. МакГрэгар уступіў у бойку з байцом з каманды Нурмагамедава Зубайрам Тухугавым.
Пасля бою паліцыя затрымала трох чальцоў каманды Нурмагамедава, якія ўчынілі бойку з МакГрэгарам і чальцамі ягонай каманды. Сярод іх - мэнэджар расейскага байца Рызван Магамедаў. Неўзабаве іх адпусцілі без выстаўлення абвінавачванняў.