Відэафакт: Былога кіраўніка еўратунэля штурхнулі пад цягнік у Лонданскім метро

Мужчыну ў астатні момант выратаваў выпадковы мінак.

Зламыснік у лонданскім метрапалітэне скінуў з платформы 91-гадовага сэра Робэрта Мальпаса, былога кіраўніка Еўратунэля, паведамляе censor.net.ua са спасылкай на Mirror. Здарэнне знялі камеры назірання метрапалітэна.

На кадрах відаць, як мужчына падбягае да Мальпаса на платформе і штурхае яго на рэйкі. Той не можа супраціўляцца і падае ўніз.

Старога мужчыну выратаваў відавочца здарэння, гасцінічны работнік Рыяд Эль Хусані. Пачуўшы крыкі аб дапамозе, ён скокнуў з платформы ўсяго за хвіліну да прыбыцця цягніка. Пры гэтым храбрэц атрымаў апёк правай рукі пасля дакранання да электрыфікаванай дарожцы.

Сэр Робэрт Мальпас дастаўлены ў лякарню: у яго чэрапна-мазгавая траўма і зламаная тазавая костка.

Мужчыну, які штурхнуў паджылага джэнтльмена на рэйкі, затрымалі на месцы. Высветлілася, што гэта 46-гадовы Пол Крослі. Ён з дзяцінства пакутуе паранаідальнай шызафрэніяй. Крослі патлумачыў, што штурхнуў 91-гадовага начальніка Еўратунэля ў метро, "бо яму не дастаткова сну".

Мальпас - не першы пацярпелы ад дзеянняў Крослі. Раней ён спрабаваў штурхнуць пад цягнік яшчэ аднаго пасажыра, Тобіяса Фрэнча на іншай станцыі. Аднак Фрэнч ўтрымаўся на платформе і затым нанёс Крослі некалькі ўдараў.

Выданне адзначае, што інцыдэнт адбыўся ў красавіку. Крослі адправілі пад суд і прызналі вінаватым у падвойным замаху на забойства.

Інжынер і прадпрымальнік Робэрт Мальпас быў прызначаны ў камандоры Ордэна Брытанскай імперыі каралевай Элізабэт II у 1988 годзе. Большую частку сваёй прафесійнай кар'еры ён прысвяціў ICI - аднаму з найбуйнейшых у свеце вытворцаў хімічнай прадукцыі. Акрамя таго, ён кіраваў Groupe Eurotunnel (Getlink).