Сіноптыкі: У нядзелю і панядзелак будзе цёпла

Заўтра чакаецца да +22°С.

6 кастрычніка варункі надвор'я на тэрыторыі Беларусі будзе, у асноўным, вызначаць вобласць павышанага атмасфернага ціску, толькі ўначы на поўначы краіны адаб'ецца ўплыў малаактыўнага атмасфернага фронту, паведамляе Гідрамет.

Чакаецца пераменная воблачнасць. Пераважна без ападкаў, толькі ўначы на поўначы краіны пройдуць невялікія дажджы. Вецер паўднёва-заходні сярэдні, часам парывісты. Тэмпература паветра мінімальная ўначы складзе +4..+10°С, максімальная - у сярэдзіне дня +14..+20°С. Атмасферны ціск уначы істотна не зменіцца, удзень будзе падаць.

У наступныя два дні, 7-8 кастрычніка, установіцца цёплае надвор'е.

7 кастрычніка Беларусь будзе знаходзіцца пад уплывам цёплай няўстойлівай паветранай масы, якая паступае з паўднёвага захаду Еўропы. Уначы чакаецца без ападкаў, удзень у асобных раёнах, у асноўным, у паўночна-заходняй палове рэспублікі, пройдуць кароткачасовыя дажджы. Вецер паўднёва-заходні, паўднёвы сярэдні, часам парывісты. Тэмпература паветра ўначы складзе +4..+10°С, удзень +14..+20°С, на поўдні паветра прагрэецца да +22°С.

8 кастрычніка ўначы надвор'е абумовіць малаактыўны атмасферны фронт, які будзе перамяшчацца з Балтыйскага мора, удзень Беларусь будзе знаходзіцца, у асноўным, у вобласці павышанага атмасфернага ціску. Уначы і раніцай месцамі пройдуць кароткачасовыя дажджы, удзень чакаецца пераважна без ападкаў. Вецер паўднёва-заходні з пераходам на паўночны сярэдні, уначы парывісты. Тэмпература паветра ўначы складзе +3..+10°С, удзень тэмпература паветра будзе знаходзіцца ў межах ад +8°С на поўначы да +17°С на паўднёвым усходзе краіны.