Ігар Крывушэнка: Наша задача выйсці і дамагчыся выніку ў матчы супраць Люксембурга
- 11.10.2018, 19:01
- 6,630
Каманда Беларусі 12-кастрычніка сустрэнецца з Люксембургам, а 15 кастрычніка згуляе з Малдовай.
Галоўны трэнер каманды Беларусі Ігар Крывушэнка падзяліўся чаканнямі ад матчу з Люксембургам у Лізе нацый.
- У 4 апошніх матчах Люксембург не саступае. Ён з'яўляецца пагрозай для каманды Беларусі?
- Любы спаборнік можа даставіць непрыемнасці калі ты не настроішся як след, калі не падрыхтуешся і недаацэніш яго. Наша задача выйсці і, не зважаючы на апошнія матчы з нацыянальнай камандай Люксембурга, дамагчыся выніку. У параўнанні з нашай мінулай сустрэчай спаборнік абнавіўся, з'явіліся новыя асобы.
- Люксембург пачаў турнір з разгрому Малдовы. Вас неяк здзівіў гэты вынік?
- Менавіта вынік і здзівіў. Па змесце гульня была іншай. Вынік не адлюстроўвае характар матчу. Люксембург прагрэсуе. Гэта відаць на полі. Але мы таксама працуем і стараемся прагрэсаваць.
- Наколькі некамфортна вам ззаду Люксембурга ў табліцы?
- Пакуль усё ў нашых руках. Мы з імі яшчэ не гулялі і неяк ацэньваць дыспазіцыю строга не буду. Але на такой кароткай дыстанцыі трэба з кожным спаборнікам выкладвацца максімальна і гуляць на максімальны выніку. А тлумачыць, ці асцерагаемся мы Люксембурга - складаны момант. У нас ёсць мэта, і робім усё, каб яе дасягнуць, - пераказвае словы Крывушэнкі карэспандэнт Tribuna.com.
Нацыянальная каманда Беларусі 12-кастрычніка сустрэнецца з Люксембургам, а 15 кастрычніка згуляе з Малдовай. Абодва матчы пройдуць на стадыёне «Дынама».