Аварыя «Саюз МС-10»: якія будуць наступствы
2- 11.10.2018, 17:33
- 16,200
Няўдалы запуск ракеты можа ўскладніць супрацоўніцтва Расеі і ЗША ў асваенні космасу.
Аварыя пры запуску касмічнага карабля «Саюз МС-10» пацягнула за сабой шэраг праблем, піша UAportal.
Што на МКС?
Касманаўты Аляксей Аўчынін і Нік Хейг павінны былі змяніць на МКС сваіх калегаў. Цяпер на станцыі знаходзяцца расеец Сяргей Пракоп, астранаўт Еўрапейскага касмічнага агенцтва Аляксандэр Герстэн і Серына Аўньен з NASA. Паводле папярэдніх звестак, праз аварыю іх экспедыцыя прадоўжыцца да снежня.
Акрамя таго, парушыцца графік правядзення эксперыментаў на МКС.
Замест Аўчыніна і Хейга на наступным караблі да МКС могуць адправіцца іх дублёры - расейскі касманаўт Алег Кананенка і канадзец Давід Сен-Жак. Але дата адпраўкі невядомая.
Што будзе з касманаўтамі?
Таксама невядома, ці змогуць аўчынін і Хейг яшчэ раз адправіцца ў космас. Як вядома, для расейскага касманаўта гэта быў другі палёт, а для Хейга гэта была першая экспедыцыя.
Паводле звестак рэсурсу ТАСС, стан здароўя касманаўтаў пасля аварыйнага прызямлення не зусім адпавядае норме. Неўзабаве іх павінны адправіць на аэрадром Чкалаўскі ў Маскву, а затым у «Зорны гарадок».
Паводле звестак прэс-службы Цэнтральнай вайсковай акругі РФ, экіпаж накіравалі ў горад Жэсказган на медагляд. Іншых пастаноў аб перадыслакацыі пакуль няма.
У той жа час кіраўнік NASA заявіў, што стан чальцоў экіпажа «Саюза» «добры».
.@NASA astronaut Nick Hague and Russian cosmonaut Alexey Ovchinin are in good condition following today's aborted launch. I’m grateful that everyone is safe. A thorough investigation into the cause of the incident will be conducted. Full statement below: pic.twitter.com/M76yisHaKF
— Jim Bridenstine (@JimBridenstine) 11 октября 2018 г.
Паводле звестак Meduza, касманаўт Алег Макараў, які перажыў такую ж аварыю «Саюза», потым яшчэ двойчы лётаў у космас. А вось ягоны напарнік Васіль Лазараў двойчы быў дублёрам, але больш не лётаў.
Як адаб'ецца на супрацоўніцтве Расеі і ЗША?
Няўдалы запуск ракеты можа ўскладніць і без таго нялёгкае супрацоўніцтва Расеі і ЗША ў асваенні космасу. Такая версія названая рэсурсам «Настоящее время». У гэтым кантэксце адзначаецца, што кіраўнік NASA Джым Брайдэнстайн перад запускам абмяркоўваў гэтыя пытанні з кіраўніком «Раскосмасу» Дзмітрыем Рагозіным.
Як вядома, запуск ракеты з касмадрома Байканур адбыўся аб 11:40 11 кастрычніка. На 119 секундзе палёту пры аддзяленні бакавых блокаў першай прыступкі ад цэнтральнага блока другой ступені ракеты-носьбіта адбылася аварыя.
