20 красавiка 2024, Субота, 1:07
Падтрымайце
сайт
Сім сім,
Хартыя 97!
Рубрыкі

Гісторыкі знайшлі ўнікальны падземны храм-пахавальню ў Полацку

3
Гісторыкі знайшлі ўнікальны падземны храм-пахавальню ў Полацку

Мяркуецца, што гэта магіла бацькі Ефрасінні Полацкай.

Падчас раскопак каля Спаса-Праабражэнскай царквы ў Полацку знойдзены ўнікальны падземны храм-пахавальня, якому няма аналагаў на ўсёй усходнеславянскай прасторы. Гісторыкі зрабілі выснову, што падземны храм прызначаны для пахавання аднаго чалавека, які быў надзвычай важны для Еўфрасінні Полацкай, паведамляе «Белсат».

Гісторыкі, сярод якіх Яўген Торшын, загадчык сектара архітэктурнай археалогіі Дзяржаўнага Эрмітажа з Санкт-Пецярбургу выказвае меркаванне, што тут быў пахаваны полацкі князь Георгій Усяславіч, сын Усяслава Чарадзея і бацька Еўфрасінні Полацкай, паведамляе сайт Полацкага дзяржаўнага ўніверсітэту.

«Тут храм цалкам пагружаны ў зямлю і прызначаны для пахавання адной асобы. Імаверна, што гэты чалавек быў вельмі важны для заснавальніцы манастыра Еўфрасінні. Прымаючы пад увагу яшчэ шэраг момантаў, хутчэй за ўсё, мы знайшлі месца пахавання полацкага князя – Георгія Усяславіча, бацькі Еўфрасінні Полацкай! Мы, вядома не ведаем, ці знойдзем мы яго парэшткі, бо ніша цяпер закладзеная каменным мурам. Зроблена гэта было значна пазней, чым пабудаванае само пахавальнае збудаванне. І, магчыма, гэта было зроблена ў той момант, калі гэтая пабудова апынулася разбуранай, і было прынятае рашэнне, напрыклад, аб перанясенні гэтых мошчаў. Тады нас будзе чакаць расчараванне. Але, прынамсі, мы застанемся пры думцы, што тут месца пахавання Георгія Усяславіча. Канечне, нам хацелася б знайсці яго самога. Час пакажа!», – падзяліўся сваімі думкамі Яўген Торшын.

Унікальнасць гэтага падземнага храма ў тым, што падобных падземных пахавальных збудаванняў на тэрыторыі Старажытнай Русі практычна няма. Існуе толькі адзін прыклад – гэта так званая царква-пахавальня ў Чарнігаве. Але і яна істотна адрозніваецца ад апошняй знаходкі гісторыкаў.

Раскопкі ў старажытным горадзе ініцыяваныя Полацкім дзяржаўным універсітэтам. Штогод гісторыкам удаецца знайсці ўнікальныя знаходкі, сярод якіх пячатка Еўфрасінні Полацкай, старажытная плінфа з выявай храму, які не захаваўся да нашых дзён.

Напісаць каментар 3

Таксама сачыце за акаўнтамі Charter97.org у сацыяльных сетках