18 июля 2018, среда, 13:59
Рубрики

У Слоніме знойдзены крыжык-карсунчык 11-13-га cтагоддзяў

Акрамя гэтага каштоўнага археалагічнага экспаната падчас раскопак выяўлена шмат керамікі, каляровага шкла і іншыя рэчы.

Падчас археалагічных раскопак каля Спаса-Праабражэнскага сабора ў Слоніме юныя археолагі разам з малодшым навуковым супрацоўнікам Інстытута гісторыі Нацыянальнай Акадэміі Навук Аляксандрам Максімовічам знайшлі каштоўны археалагічны экспанат – каменны крыжык-карсунчык XI-XIII cтагоддзяў, перадае «Радыё Рацыя».

Акрамя гэтага крыжыка-карсунчыка падчас раскопак выяўлена шмат керамікі, каляровага шкла, нож і іншыя рэчы.

Раскопкі каля Спаса-Праабражэнскага сабора ў Слоніме будуць працягвацца ў ліпені. Потым на гэтым месцы пачнецца будаўніцтва праваслаўнага Дома міласэрнасці.