Павал Севярынец: У Курапатах – дзве «гарачыя кропкі»

Палітык заклікаў беларусаў сабрацца ва ўрочышчы.

Праг эта адзін з лідараў БХД Павал Севярынец напісаў у «Фэйсбуку»:

- 16 кастрычніка, мы ўсе зьбіраемся а 10.00 у Курапатах, ля Крыжа пакуты - каб на месцы раіцца ў справе абароны народнага мемарыяла і не дапусьціць разбурэньня Курапатаў.

Гарачыя кропкі дзьве: на Галгофе пачынаюцца археалагічныя раскопкі дзеля ўсталяваньня знаку (раскоп глыбінёй да 2 м), а ля пачатку дарогі, каля крыжоў, уручную капаем траншэю для зьліву вады.

Мала таго: па лініі газаправоду вядуць дарогу. Парэшткаў там няма (бо на глыбіні 1.8 метра ляжыць 70-сантыметровая труба з газам, увесь грунт прывазны), але патрэбныя дзясяткі людзей, каб абараніць крыжы ўздоўж.

Патрэбная: ваша прысутнасьць.Трэба пільнаваць, каб любыя працы вяліся ахайна: у гэтым месцы кожны камячок зямлі крычыць ад болю.

Рыдлёўкі (штыхавыя, сапёрныя, шуфлі) і пальчаткі (будзем капаць уручную, траншэя немалая).

Прыходзьце зь сябрамі. Далучайцеся!