УСУ сарвалі планы расейцаў уклініцца ў глыбіню забудовы ў Ваўчанску

Афіцыйная заява ўкраінскага Генштаба аб баях у Харкаўскай вобласці.

Украінскім вайскоўцам удалося знізіць актыўнасць расейцаў на Харкаўскім кірунку. УСУ не далі ворагу ўклініцца ў глыбіню забудовы ў Ваўчанску.

Пра гэта паведамляе Генштаб УСУ.

Так, у параўнанні з 10 траўня УСУ прымусілі значна знізіць актыўнасць расейскіх акупантаў.

“Планы ворага максімальна ўклініцца ў глыбіню гарадской забудовы Ваўчанская і там замацавацца - сарваныя. З пачатку дня УСУ працягваюць выкананне баявых задач у межах гарадской забудовы Ваўчанска ў паўночнай частцы горада, трымаюць ворага пад агнявым кантролем. Дзеянні працягваюцца, сітуацыя кантралюецца”, - гаворыцца ў паведамленні.