Аналітык назваў ключавое ўзбраенне з новага пакета дапамогі ЗША

Больш каштоўнае за ATACMS.

Вайсковы і палітычны аналітык, ветэран АТА Яўген Дзікі назваў, што ўважаць у пакеце дапамогі ЗША за больш каштоўнае за дальнабойныя ракеты ATACMS.

Аб гэтым ён сказаў у інтэрв'ю «Навінарні». Ён адзначыў, што ў рамках гэтай дапамогі ва Украіну ўжо ляцяць менавіта набоі і розныя ракеты, не тэхніка.

«Ужо павінны прыйсці 300-кіламетровыя ATACMS, што вядома вельмі мяняе расклад. Тая мадыфікацыя, якая ёсць у нас зараз - гэта максімум 165 км і з яе мы выціснулі максімум. Мы фактычна ёю ліквідавалі адну з ключавых праблем мінулага года на полі бою - гэта праблема расейскіх верталётаў. Мы літаральна адным ударам па 4-х аэрадромах гэтымі 165-кіламетровымі ATACMS стукнулі. І як з'явы верталётаў ужо на полі бою няма. Цяпер чакаем 300-кіламетровых», - пракаментаваў Дзікі.

Ён падкрэсліў, што цяпер адпаведна «амаль падвойваецца» тая тэрыторыя, на якой расейцы не змогуць сябе адчуваць спакойна і на якой не змогуць стала размяшчаць сваю тэхніку. Ім давядзецца ўвесь час мабільна перасоўвацца, хавацца і г.д.

У той жа час вайсковец адзначыў, што 300-км ATACMS не будзе занадта шмат, бо іх не так шмат было выпушчана. Таму «засыпаць» імі акупантаў не атрымаецца, але будзе магчымасць працаваць па важных варожых аб'ектах кропкава - па штабах, аэрадромах, па складах.

«Але як па мне, сваю ролю адыграюць рэчы больш простыя. Артылерыйскія набоі. Гэта не пра новыя магчымасці. Гэта пра магчымасці, якія ў нас былі і ў нас потым Трамп забраў. Але зараз гэтыя магчымасці вяртаюцца. Таму што вайна з артылерыяй і без артылерыі - гэта дзве розныя вайны насамрэч...Цяпер да нас едуць набоі. І калі іх будзе столькі, колькі было ў 2023 г., дык гэта вельмі істотна будзе ўплываць на ход вайны. Гэта мяняе вельмі шмат. Тады дроны зоймуць сваю нішу - гэта дакладныя сродкі паразы блізкага радыусу дзеяння. А тое, што далей, за 10 км, будзе адпрацоўваць артылерыя, якая выдатна гэта рабіла ў 2023 годзе», - падкрэсліў Дзікі.

З яго слоў, калі Украіна атрымае абяцаныя амерыканцамі артнабоі і паводле чэшскай ініцыятывы, то гэтага выстарчыць на год у рэжыме «ні ў чым сабе не адмаўляць», ці можна расцягнуць на 1,5-2 гады - «дзе ў чым сябе абмяжоўваючы, але у разумных межах».

«Выпуск набояў наладжваецца ўсё ж вельмі марудна. Еўропа дае нам цяпер практычна ўсё, што выпускае. Калі гадавая норма войска Францыі была 7 тысяч набояў на год, а нам трэба 10 тысяч набояў на дзень... Адзіная краіна, у якой былі досыць вялікія запасы на складах - гэта ЗША. Я вельмі спадзяюся, што ў адміністрацыі Байдэна прымуць пастанову накіраваць нам зараз усе касетныя набоі. Штаты ўсё адно знялі іх з узбраення. Яны самі іх не выкарыстоўваюць. І іх, між іншым, на складах 3 млн», - сказаў Дзікі.