Зяленскі: Украіна ўступіць у NАТО пасля перамогі ў вайне

Пастанова аб уступленні Украіны ў Альянс залежыць ад аднадушнага кансэнсусу ўсіх краін-чальцоў.

Прэзідэнт Украіны Уладзімір Зяленскі перакананы, што Украіна атрымае членства ў Арганізацыі Паўночнаатлантычнага дамовы пасля перамогі ў вайне з Расеяй. Як паведамляе «Уніян», пра гэта Зяленскі сказаў падчас супольнай сустрэчы з афіцэрамі, якія праходзяць курсы прафесійнай вайсковай адукацыі паводле стандартаў NATO, пры ўдзеле генеральнага сакратара Альянсу Енса Столтэнбэрга.

- На маю асабістую думку, мы будзем у NATO толькі калі пераможам. Я не думаю, што падчас вайны нас возьмуць у NATO. Гэта для кагосьці рызыка з сяброў NATO, а для кагосьці проста скепсіс з-за гэтага. І безумоўна, узровень Украіны як краіны, якая праходзіць праз поўнамаштабную вайну, наконт яе сумяшчальнасці і ўзроўню вайскоўцаў і г.д., ніхто не будзе ўзнімаць пытанне. Безумоўна, вы і вашыя субраты на фронце - гэта высокага ўзроўню спецыялісты ў розных кірунках, - падкрэсліў Зяленскі.

Прэзідэнт Украіны дадаў, што пастанова аб уступленні Украіны ў Альянс залежыць ад аднадушнага кансэнсусу ўсіх краін-чальцоў Альянсу.

- А большасць - гэта пытанне палітычнае. А каб палітычна Украіну прынялі ў Альянс - для гэтага патрэбна перамога, - дадаў Зяленскі.

Адной з прычын вайны Расеі супраць Украіны кіраўнік дзяржавы называе тое, што Украіна да гэтага не атрымала сяброўства ў NATO.

- Яшчэ шмат гадоў таму быў таксама адпаведны скепсіс у некаторых сябраў, і Расея вельмі моцна працавала з нашымі сённяшнімі партнёрамі, у іх быў дыялог. Яна рабіла ўсё, каб Украіну не ўзялі не толькі ў NATO, але і ў Еўразвяз не ўзялі, каб Украіна проста не развівалася, і каб яна не была адарваная ад уплыву Расейскай Федэрацыі. Таму, каб адарвацца ад гэтага ўплыву - трэба абараніць сваю незалежнасць з вынікам перамогі, - растлумачыў ён.