Як табе такое, Ілан Маск: беларус паказаў, як хутка перабраць бульбу

Пры дапамозе ложка.

Беларус апублікаваў ролік у TikTok, дзе падзяліўся ўласнай вынаходкай, з дапамогай якой лёгка і хутка можна перабраць бульбу. За аснову мужчына ўзяў стары жалезны ложак.

«Ніколі не думаў, што буду гэтым глупствам займацца», - кажа ў пачатку відэа мужчына. Пасля чаго растлумачыў: «Калі ўбачыў відэа, дзе насыпаюць бульбу ў абрэзанае вядро, надумаў паказаць сваё міні-КСП» (бульбяны сартавальны пункт).

Праўда, перад тым, як перайсці да галоўнага, пенсіянер распавёў, што яго клічуць Юрась, і што «мама нарадзіла яго 8 сакавіка». Акрамя таго, свой Дзень нараджэння ён «не любіць і ніколі не святкуе». Далей беларус падзяліўся, што сваё «міні-КСП», як ён яго называе, зрабіў 10 гадоў таму, і карыстаецца ім дагэтуль.

На роліку відаць, што стары ложак выглядае як своеасаблівы стол, дзеля якога не трэба нахіляцца. Досыць проста пакласці трывалы кардон, высыпаць з мяшка бульбу, перабраць і зноў засыпаць у мяшок. Таксама самаробная канструкцыя падыходзіць і для сартавання дробных клубняў: пры дапамозе жалезных спружын лёгка адвальваюцца парасткі, расказаў мужчына.

Увага! У відэа прысутнічае ненарматыўная лексіка.

«Сетка ад ложка ёсць, дзе знайсці такога Юру, які б так бадзёра мяшкі з бульбай па 50 кг закідваў?» - напісаў пад ролікам хтосьці з карыстальнікаў сацсеткі.

Іншы дадаў: «Яшчэ раз пераконваюся, што выкідваць нічога нельга, у гаспадарцы ўсё спатрэбіцца».

«Кожнае пытанне пра бульбу - спытайце выдатных беларусаў, яны ў бядзе не пакінуць», - падзяліўся пад відэа яшчэ адзін з аматараў сацыяльных сетак.