Фанаты польскага «Заглембе» ўварваліся на базу клуба і збілі Хацкевіча
- 3.04.2024, 14:00
- 16,168
На беларускага трэнера напалі на трэнінгу.
Беларускі спецыяліст, галоўны трэнер «Заглембе» Сасноўец (Польшча, Д2) Аляксандр Хацкевіч быў збіты падчас трэнінгу каманды.
Як паведамляе meczyki.pl, падчас заняткаў на базе клуба з'явіліся радыкальна настроеныя фанаты каманды. Пасля размовы з імі Хацкевіч атрымаў удары па твары, а таксама нагамі. Як сцвярджае крыніца, клуб пацвердзіў факт інцыдэнту.
«Заглембе» займае апошняе месца ў чэмпіянаце Польшчы сярод каманд Д2.
