У Беларусі пачалі прадаваць новы кітайскі мінівэн

Вядомы кошт.

У Беларусі пачаліся продажы кітайскага мінівэна Haima 7X, паведамляе av.by.

- У сегменце мінівэнаў на рынку Беларусі практычна няма аўто, таму мы рады прапанаваць паўнавартасны 7-мясцовы вэн. У яго амаль няма канкурэнтаў хоць бы таму, што салон трансфармуецца ў паўнавартасны ложак, падкрэсліваюць прадстаўнікі дыстрыбутара.

Мадэль пабудаваная на той жа платформе, што і красовер 8S, продажы якога ў нас стартавалі ў пачатку красавіка 2024-га. Аб'ём багажніка - ад 1085 да 1825 літраў. У рух Haima 7X прыводзіцца 1,6-літровым турбаматорам магутнасцю 182 л. с. У пару да яго прадугледжаны 6-ступеністы аўтамат, які перадае цягу на пярэднюю вось.

Гарантыйны тэрмін на аўто Haima складае 5 гадоў ці 100 000 км прабегу. Каштуе навінка на нашым рынку 125 000 рублёў (у пераразліку прыкладна 38 450 даляраў).