Перыяд халоднага надвор'я ў Беларусі заканчваецца

Калі чакаць цяпла?

Відавочна, перыяд халоднага надвор'я ў нашым рэгіёне падыходзіць да канца.

Лажбіна холаду «Х» пераарыентуецца на захад Еўропы. Там будзе халаднавата і дажджліва. А над нашым рэгіёнам будзе грэбень цяпла і звязаны з ім антыцыклон «В», цэнтр якога ў суботу размесціцца над поўначчу Украіны.

Цыркуляцыя ў нашым рэгіёне зменіцца і да нас пачне паступаць цёплае паветра з поўдня Еўропы. Тэмпература з чацвярга пачне паступова расці і да выходных падымецца да +18..+20°.

Антыцыклон працягне ўмацоўвацца, накіроўваючы ўсё новыя порцыі цёплага паветра ў наш рэгіён. У пачатку наступнага тыдня проста можа быць і +25.