У ВМФ Швэцыі распавялі, чым займаецца «ценявы флот» РФ у Балтыйскім моры

Караблі могуць быць скарыстаныя ў гібрыдных аперацыях.

Вайскова-марскія сілы Швэцыі ўпершыню пацвердзілі, што так званы «ценявы флот» Расеі ў Балтыйскім моры можа займацца шпіянажам. Пра гэта паведамляе SVT 23 красавіка.

Ценявы флот Расеі штодня перамяшчаецца па Балтыйскім моры з грузам некалькі сотняў тысяч тон нафтапрадуктаў, гаворыцца ў публікацыі. Вайскова-марскі флот Швэцыі сочыць за гэтымі перамяшчэннямі, і ёсць дакументы, якія сведчаць аб тым, што некаторыя з гэтых караблёў могуць выкарыстоўвацца для сігнальнай выведкі, гэта значыць, перахопу камунікацый.

Кіраўніца вайскова-марскога флоту Ева Скуг Хаслум паведаміла, што часам маракі выяўляюць антэны, якія не належаць рыбалоўным ці іншым суднам. Таму ёсць падазрэнне, што ў таго, што рухаецца ў моры, «часам ёсць і іншыя мэты, звязаныя з іх дзейнасцю».

Са слоў Хаслум, тое, што адбываецца зараз, можа стаць трагедыяй як у сферы бяспекі, так і экалогіі.

Яна адзначыла, што караблі могуць быць выкарыстаныя ў гібрыдных аперацыях, напрыклад, замежнае судна можа зайсці ў швэдскі порт пад выглядам пошуку аварыйнага порта ў сувязі з аварыяй.

Паводле інфармацыі SVT, цягам мінулага года шведскія ўлады вялі падрыхтоўку да такога павароту падзей у сувязі з тым, што, прынамсі, адзін «ценявы танкер» РФ меў тэхнічныя праблемы каля Готланда.

Напярэдадні на сустрэчы ЕЗ у пытаннях абароны і замежных спраў у Люксембургу абмяркоўваліся канкрэтныя захады для спынення гэтай дзейнасці. Са слоў міністра замежных спраў Швэцыі Тобіяса Білстрэма, існуе шырокі кансэнсус у тым, што расейскі ценявы флот з'яўляецца праблемай.