Дэвід Грандж расказаў пра ўнікальнасць і велізарную перавагу ўкраінцаў у вайне

Амерыканскі генерал падкрэсліў, што гэта вельмі ўнікальны досвед, і ЗША вучацца на гэтым.

Вайна ва Украіне нагадвае Першую сусветную, але ўсё ж з'яўляецца ўнікальнай, і ўкраінцы ў ёй валодаюць з вялікай перавагай, бо ведаюць, за што ваююць.

Аб гэтым заявіў у інтэрв'ю «Радыё Свабода» вядомы амерыканскі генерал-маёр у адстаўцы Дэвід Грандж, які прайшоў В'етнам, Ірак, Паўночную Македонію і Косава. Паводле ягоных слоў, сёе-тое з'яўляецца нязменным ва ўсіх войнах.

«У войнах некаторыя рэчы ніколі не мяняюцца. Палітыка з'яўляецца вызначальнай. Боепрыпасы з'яўляюцца неабходнымі. Салдат трэба старанна трэніраваць. І вы павінны мець матывацыю для вайны. Гэта - адна з пераваг Украіны, бо ва Украіны матывацыя ёсць», - заявіў ён.

Са слоў Гранджа, Украіна - на баку дабра, і ва ўкраінцаў ёсць прычына, каб ісці ў бой. У той жа час, як адзначыў генерал, у многіх расейцаў, якіх кідаюць у бой, нават калі яны падтрымліваюць Расею, насамрэч няма прычын ваяваць.

«Чаму яны тамака? Самі вайскоўцы гэтага не разумеюць. А ўкраінскія вайскоўцы разумеюць. Таму ў вас вялікая перавага ў маральным вымярэнні - ваяваць за сваю краіну і за свой народ. І гэта важна ў кожнай вайне. І гэта было нашай праблемай у В'етнаме. Я памятаю Ірак, Бейрут, Балканы - усюды, дзе мы былі. І гэта важны чыннік. Часам, ён важнейшы за зброю. Таксама важна разумець, што вайна ва Украіне ўнікальная. Гэта нагадвае Першую сусветную, калі ў вас ёсць гэтая акопная вайна, калі чаргуюцца статычныя фазы, абарона, зноў статыка, наступ... Але пры гэтым у небе выкарыстоўваюцца высокія тэхналогіі. Яны паўсюль, і ад іх немагчыма схавацца. Дроны, РЭБ і гэтак далей», - сказаў ён.

Грандж падкрэсліў, што гэта вельмі ўнікальны досвед, і ЗША вучацца на гэтым.

«Таму мы павінны выкарыстоўваць гэта на нашу карысць у нашых наступных канфліктах, якія сапраўды будуць. ЗША ўдзельнічалі ў войнах увесь час з пачатку свайго існавання. Таму гібрыдная вайна, але некаторыя рэчы засталіся нязменнымі. Ёсць новыя тэхналогіі, тактыкі, да якіх трэба адаптавацца. І Украіна нядрэнна спраўляецца. І ЗША будуць выкарыстоўваць гэта ў будучыні», - дадаў амерыканскі генерал-маёр.