У Беларусі знікнуць інтэрнэт, тэлевізія і сувязь

Тэхнічныя работы ў галоўнага аператара электрасувязі закрануць усе вобласці краіны.

У розных частках Беларусі будуць назірацца перабоі з сувяззю, інтэрнэтам і тэлевізіяй. Тэхнічныя работы ў галоўнага аператара электрасувязі закрануць усе вобласці краіны.

«Точка» сабрала месцы, дзе чакаюць перабоі са сувяззю, а ў бабуль можа не ўключыцца іх любімае шоў.

Дзе знікне тэлевізія

Работы ў Менску пройдуць толькі 22 сакавіка.

У Менскай вобласці магчымы перабоі ў Дзяржынскім, Салігорскім, Менскім, Лагойскім, Барысаўскім, Вілейскім, Смалявіцкім, Стаўбцоўскім раёнах.

Драгічынскі, Бярозаўскі, Іванаўскі, Пінскі, Столінскі, Ганцавіцкі і Івацэвіцкі, Пружанскі, Камянецкі і Кобрынскі раёны могуць адключыць у Берасцейскай вобласці.

У Віцебскай вобласці таксама будзе шмат адключэнняў. Яны закрануць тэрыторыі Докшыцкага, Лепельскага, Расонскага, Полацкага, Гарадоцкага, Чашніцкага, Шумілінскага, Сенненскага, Лёзненскага, Бешанковіцкага, Аршанскага раёнаў.

На Гомельшчыне «пацерпіць» крыху месцаў – Буда-Кашалёўскі, Жлобінскі, Рагачоўскі і Светлагорскі раёны.

На тэрыторыі Бераставіцкага, Гарадзенскага, Іўеўскага, Карэліцкага, Лідскага, Ашмянскага, Смаргонскага, Шчучынскага, Мастоўскага раёнаў Гарадзенскай вобласці таксама будуць назірацца перабоі.

Чакаюцца праблемы з ТБ і ў Магілёўскай вобласці. Патрапілі «пад удар» Крычаўскі, Гарэцкі, Мсціслаўскі, Дрыбінскі, Асіповіцкі, Магілёўскі, Касцюковіцкі, Краснапольскі, Клімавіцкі, Хоцімскі, Слаўгарадскі і Бялыніцкі раёны.

Дзе адключаць сувязь і Wi-Fi

Паслугі VPN, Ethernet і byfly будуць недаступныя ў некаторых месцах Менска толькі 7 сакавіка.

На тэрыторыі Менскай вобласці планавых тэхнічных работ з Інтэрнетам праводзіць не будуць.

У Берасці і Берасцейскім раёне перабоі паслуг byfly і Wi-Fi чакаюцца 7, 15, 19 і 26 сакавіка.

Праблемы з перадачай звестак будуць 7 сакавіка ў Новалукомлі, 14 сакавіка ў Мёрах. У Віцебску перабоі магчымы ў гэтыя ж даты.

Жыхары Рэчыцкага раёна будуць мець абмежаванні ў доступе да byfly, ZALA і VPN 12 сакавіка. А 13 сакавіка тое самае чакае Ельскі раён.

Гарадзенская вобласць без інтэрнета пасядзіць толькі 7 сакавіка. І тое "пацерпіць" толькі частка Ашмянскага раёна.

У Магілёве byfly і ZALA будуць адсутнічаць уначы 13 сакавіка. На наступны дзень тыя ж абмежаванні будуць у жыхароў Краснаполля.