Палкоўнік УСУ назваў ракету, здольную знішчыць усю авіяцыю расейцаў у Крыме
1- 30.03.2024, 21:34
- 13,124
Яна накрывае адразу пяць расейскіх аэрадромаў.
Прэзідэнт Украіны Уладзімір Зяленскі заявіў, што Украіна мае патрэбу ў ракетах ATACMS далёкасцю да 300 кіламетраў. Усё для таго, каб мець магчымасць пашкодзіць цэлі ў акупаваным Крыме.
У эфіры «24 Канала» вайсковы эксперт, лётчык-інструктар і палкоўнік УСУ ў запасе Раман Світан растлумачыў магчымасці ATACMS.
Як Украіне дапамогуць ATACMS
З ягоных слоў, ёсць ATACMS М39 - ракеты на 165 кіламетраў. Гэта касетны набой, які ўзрываецца на вызначанай вышыні і накрывае дастатковую плошчу. Пераважна лётнае поле, на якім размешчаны самалёты.
«А М39А1 - гэта ракета на 300 кіламетраў. Гэта значыць тая, якая можа дастаць да любога аэрадрома на тэрыторыі Крыма», - адзначыў Раман Світан.
Там расейцы выкарыстоўваюць 5 аэрадромаў. Уся гэтая авіяцыя пераважна б'е па херсонскім, адэсскім і запарожскім кірунках.
«Гэтыя ракеты знішчаць аэрадромы і тыя самалёты, якія на іх ёсць. Адпаведна абароняць наш поўдзень і паўднёвыя франты», - дадаў вайсковец эксперт.