Сталі вядомыя асобы 134 загінулых у «Крокус Сіці»

Паводле астатніх праводзяцца генетычныя экспертызы.

Устаноўленыя асобы 134 чалавек, якія загінулі ў «Крокус Сіці Холе». Пра гэта паведамляе Следчы камітэт Расеі.

Як паведамілі ў ведамстве, паводле іншых, пакуль неўстаноўленых загінулых, праводзяцца генетычныя экспертызы.

Таксама следчыя працуюць з пацярпелымі, атрымліваючы ад іх паказанні аб абставінах злачынства.

Раней сёння ў МНС РФ паведамілі, што ў выніку тэракту ў падмаскоўным «Крокус Сіці Холе» пацярпеў 551 чалавек, у тым ліку 10 дзяцей. Загінулі 144 чалавекі (у тым ліку 5 дзяцей).

Нагадаем, увечары 22 сакавіка мужчыны, узброеныя аўтаматамі, уварваліся ў будынак буйнога канцэртна-выставачнага комплексу "Крокус Сіці Хол" у падмаскоўным Краснагорску (фактычна ўскраіна Масквы) перад пачаткам канцэрта гурта "Пікнік". Нападнікі, пачалі страляць яшчэ каля ўваходу, затым вялі стральбу па наведвальніках унутры — як у фае, так і ў канцэртнай залі. Таксама яны ўчынілі падпалы - у комплексе пачаўся маштабны пажар, зала цалкам згарэла, у ёй абрынуўся дах.

Раніцай 23 сакавіка ў СК і ФСБ Расеі заявілі аб затрыманні ў Бранскай вобласці ўсіх падазроных у ўчыненні тэракту. Усяго ў рамках расследавання, паведамляла ФСБ, затрымана 11 чалавек.