Як зрабіць «мігатлівыя» велікодныя яйкі

Незвычайны спосаб афарбоўкі яйкаў.

Сёлета ўсё больш папулярнасці набірае трэнд на «мігатлівыя» велікодныя яйкі. Калі хочацца пафарбаваць яйкі на Вялікдзень не як звычайна, шукайце што-небудзь асаблівае, можна пафарбаваць велікодныя яйкі чырвоным віном. Для гэтага патрабуецца мінімум намаганняў і бутэлька чырвонага віна. Яйкі атрымаюцца насычанага бардовага колеру з вялікай колькасцю бліскучых крапінак.

Рэцэптам фармавання «мігатлівых» яек падзялілася ўкраінская фуд-блогерка Наталля Лысянская:

– Бярэм яйкі любога колеру – падыдуць як белыя, так і карычневыя. Мыем іх і кладзем у ёмістасць, дзе будзем варыць.

Наліваем у ёмістасць чырвонае віно так, каб яно пакрывала яйкі.

Варым яйкі на моцным агні да гатовасці.

Паколькі пры награванні віно выпараецца, у памяшканні можа быць пах алкаголю, таму лепш адчыніць вокны ці ўключыць выцяжку.

Пасля таго як яйкі зварацца, трэба пакласці іх у меншы рондаль і наліць рэшту віна. Пакінуць яйкі ў віне на ноч.

За гэты час колер яек стане яшчэ больш насычаным, фарбаванкі стануць цёмна-сіняга колеру з фіялетавым адлівам, на іх з'явяцца крышталі, якія нададуць ім патрэбнае мігаценне.

У чырвоным салодкім віне ўтрымліваецца цукар, пасля выпарэння ён ператварыўся ў крышталі, якія і будуць мігацець на яйках.