Расейскі самалёт Су-27 збілі над Крымам

Знішчальнік упаў у мора.

Расейскі знішчальнік Су-27 збіты над тэрыторыяй Крыма, пілот катапультаваўся, паведаміў гаўляйтар Севастопаля Міхаіл Разважаеў.

«У мора ўпаў вайсковы самалёт. Пілот катапультаваўся. Яго падабралі ратавальнікі Выратавальнай службы Севастопаля на адлегласці двухсот метраў ад берага. Яго жыццю нічога не пагражае», — напісаў ён у сваім тэлеграм-канале. Ён зазначыў, што цывільныя аб'екты ў выніку падзення самалёта не пацярпелі.

Паводле звестак Z-канала Fighterbomber, самалёт - знішчальнік Су-27 мог быць збіты расейскімі сістэмамі СПА, альбо прычына падзення знішчальніка звязаная з адмовай тэхнікі.

Паветранае судна падало аварыйны сігнал за 50 кіламетраў ад Феадосіі падчас планавых палётаў, удакладнілі ў Мінабароны РФ.

У Крыме перад збіццём прагучаў сігнал трывогі.

На сустрэчы з выпускніцамі Краснадарскай вышэйшай вайсковай авіяцыйнай вучэльні 7 сакавіка прэзідэнт РФ Уладзімір Пуцін заяўляў, што расейская вайсковая авіяцыя паспяхова спраўляецца з ваеннымі задачамі ва Украіне.

«Армейская авіяцыя, якая выконвае сёння вельмі сур'ёзныя, вельмі патрэбныя нам задачы на полі бою, яна, вядома, годная самай высокай ацэнкі і павагі», - гаварыў ён.

Да гэтага прэзідэнт Украіны Уладзімір Зяленскі паведамляў, што Кіеву ўдалося збіць 15 расейскіх вайсковых самалётаў з пачатку лютага. Толькі за апошнія дні лютага і пачатак сакавіка УСУ знішчылі сем бартоў. Сярод іх сучасныя знішчальнікі-бамбавальнікі Су-35 і Су-34, а таксама «лятаючы радар» А-50, які быў падбіты над Азоўскім морам.