Кітай на шкоду сабе спансуе атакі хусітаў у Чырвоным моры

Выданне Politico расказала, як гэта адбываецца

У заходняй выведцы запэўніваюць, што Кітай мімаволі дапамагае Ірану абмяжоўваць рух караблёў у Чырвоным моры.

Самае цікавае, што такімі рухамі цела Пекін не толькі наносіць шкоду глабальным гандлёвым плыням, але і сваім уласным інтарэсам. Да 15% сусветнага гандлю ідзе па калідоры ад Адэнскай затокі праз Суэцкі канал у Чырвонае мора, інфармуе рэсурс Politico.

Пекін закупляе да 90% іранскай нафты, якую прадаюць "Сілы Кудс" (ваенізаванае падраздзяленне КСІР). Гэтая ж групоўка адказвае за ўсе ваенізаваныя аперацыі Ірана за мяжой.

Яны ж фінансуюць і навучаюць тэрарыстаў з “Хезбалы” і еменскіх хусітаў. Самае цікавае, што адным з першых гандлёвых караблёў, які патрапіў пад атаку хусітаў у Чырвоным моры, было менавіта кітайскае судна. Нядаўна хусіты далі слова больш не атакаваць гандлёвыя караблі, звязаныя з Кітаем.

Аднак у пачатку гэтага тыдня былі выпушчаныя ракеты па караблі "Хуан Пу", які належыць КНР, хоць і ішоў у мора пад сцягам Панамы. З-за міжнародных санкцый іранскі рэжым не можа наўпрост прадаваць сваю нафту. Для гэтай мэты яны аддаюць "чорнае золата" "Сілам Кудс", а тыя праз складаную схему пастаўляюць яе іншым краінам свету.

Многія краіны свету не хочуць патрапіць пад санкцыі ЗША і таму адмаўляюцца ад іранскай нафты, аднак Кітай знайшоў для сябе выгаду, закупляючы ў Тэгерана нафту выгаднымі тарыфамі.