«Па перыферыі будуць узнікаць магутныя цыкланічныя віхуры»

Сіноптыкі расказалі аб надвор'і ў Беларусі на выходных і ў панядзелак.

Адыходзячы тыдзень здзівіў некаторых беларусаў раптоўным зімовым камбэкам. Але на гэтым сюрпрызы не скончыліся. Метэаролагі папярэдзілі аб новай хвалі дажджу і мокрага снегу. Што яшчэ чакаць у выходныя 16-17 сакавіка, а таксама ў панядзелак 18 сакавіка?

Паводле інфармацыі тэлеграм-канала аб надвор'і ў Беларусі @nadvorie, у суботу 16 сакавіка, у першай палове дня беларусаў парадуе «вясновае пагоднае надвор'е».

«Гэта будзе абумоўленае знаходжаннем на заходняй перыферыі антыцыклону «В», з якім у наш рэгіён будзе паступаць цёплае паветра з поўдня», – заўважылі там.

А вось у нядзелю, 17 сакавіка, над Скандынавіяй сфармуецца «магнецкі антыцыклон», які да серады «апынецца над сярэднім Паволжам РФ – паўночным Казахстанам», распавяло nadvorie.

«Цікава, што па яго перыферыі будуць узнікаць цыкланічныя віхры, якія і вызначаць надвор'е ў Беларусі ў пачатку наступнага тыдня», - падкрэслілі ў ТГ-канале.

Дзе Белгідрамет паабяцаў дождж і мокры снег?

Паводле інфармацыі Белгідрамета ў суботу 16 сакавіка надвор'е будзе захоўвацца воблачнае з прасвятленнямі цягам дня. Толькі ў заходняй частцы краіны пройдуць невялікія кароткачасовыя дажджы.

Слупок тэрмометра ў асобных рэгіёнах можа падняцца да +9..+15°С. На захадзе больш сціпла - да +5°С. Ноч усё яшчэ можа здзівіць холадам. Мінімальныя адзнакі на тэрмометры пакажуць ад -3..+3°С. Атмасферны ціск пачне слабець.

У нядзелю, 17 сакавіка, паводле інфармацыі спецыялістаў, на большасці тэрыторыі краіны пройдуць дажджы, а на паўночным захадзе, увечары, можа нават з’явіцца мокры снег. Вецер чакаецца паўднёвы, з пераходам на заходні парывісты. З добрага - пацяплее ўначы. Мінімальна +1..+8°С. Удзень таксама будзе адносна цёпла, у Белгідрамеце чакаюць ад +5..+12°С па краіне.

У панядзелак 18 сакавіка метэаролагі спрагназавалі кароткачасовыя ападкі (мокры снег, дождж) на большай частцы краіны. Вецер пераменных кірункаў сярэдні.

Тэмпература паветра ўначы -3..+3°С, максімальная ўдзень +1..+8°С.