Беспілотнікі атакавалі НПЗ «Першы Завод» пад Калугай
12- 15.03.2024, 10:51
- 15,350
Аперацыю правяло ГУВ Мінабароны Украіны.
Гэтай ноччу ўкраінскія беспілотнікі атакавалі нафтахімічнае прадпрыемства "Першы Завод" у Калужскай вобласці РФ, якое займаецца перапрацоўкай нафты. Гэта была аперацыя ГУВ МА.
Пра гэта РБК-Украіна паведаміла крыніца ў Сілах абароны Украіны.
Са звестак выдання, за гэтай аперацыяй стаіць Галоўная ўправа выведкі Мінабароны Украіны.
Між тым, у сацсетках распаўсюджваюць кадры магчымага прылёту па Калужскім НПЗ.
Расейскі Telegram-канал паведамляе ASTRA, што 3 беспілотнікі трапілі па нафтаперапрацоўчым абсталяванні нафтахімічнага завода "Першы Завод" у пасёлку Палатняны завод.
“Адбыўся пажар. Абсталяванне атрымала пашкоджанні. Ніхто не пацярпеў”, - піша ASTRA.
Пры гэтым раніцай губернатар Калужскай вобласці Раман Бусаргін заявіў, што ў рэгіёне нібыта "былі збітыя 4 беспілотнікі", а "пацярпелых і разбурэнняў інфраструктуры няма".
Але расейскія медыярэсурсы сцвярджаюць, што напраўду быў збіты толькі адзін беспілотнік, а 3 акурат і патрапілі па Калужскім НПЗ.