Беларускія банкі ўводзяць валютныя новаўвядзенні

Што зменіцца?

Некаторыя беларускія банкі анансавалі валютныя змены, якія ўводзяць для сваіх кліентаў. Яны тычацца ў тым ліку адсоткавых ставак укладаў, піша zerkalo.io.

“МТБанк” з 14 сакавіка зменіць валюту разлікаў з аплатнай сістэмай Visa International - з даляраў на еўра.

Таксама "МТБанк" з 1 чэрвеня спыніць працу форэкс-пляцоўкі MTBankFX. “Вы можаце закрыць свае бягучыя пазіцыі іх справядлівым коштам у аптымальны для вас момант у тэрмін да 30 траўня ўключна. Магчымасць адкрыцця новых пазіцый будзе спыненая з 15 красавіка”, - паведаміла фінустановы.

“У апошнія гады рызыкі міжнародных інвестыцый істотна ўзраслі. Гэта выклікала шэраг цяжкасцяў і ў беларускіх інвестараў, у тым ліку замарозку замежных каштоўных папер, немагчымасць або значнае падаражанне міжнародных пераводаў у замежнай валюце, неабходнасць прымусова і экстрана прадаваць свае актывы”, - адзначае банк.

“Банк БелВЕБ” з 29 лютага знізіў стаўкі на ўкладах у еўрах на 0,1 адсоткавы пункт. Гэта закранула "Безадклікальны ўклад (онлайн)", "Безадклікальны ўклад (офлайн)", "Персанальны".

"Альфа Банк" абвясціў, што з 7 сакавіка ўступілі ў дзеянне змены ў дамове аб комплексным банкаўскім абслугоўванні. “Што змянілася? Дамовы дапоўненыя ўмовамі ажыццяўлення валютна-абменных аперацый і закрыцця рахунку пры наяўнасці заявы на размеркаванне выплат”, - удакладняе фінустанова. Напрыклад, банк прапісаў, што закрывае рахунак не пазней, чым на наступны дзень (банкаўскі, гэта значыць працоўны) пасля прыняцця заявы кліента.

“Банк ВТБ” з 27 лютага змяніў адсоткавыя стаўкі на дэпазітах, якія зноў адкрываюцца ў беларускіх, расейскіх рублях, далярах і кітайскіх юанях. "У залежнасці ад выбранага прадукту, валюты і тэрміну стаўкі выраслі на 0,1-1,9 адсоткавых пункта або знізяцца на 0,1-1,8 адсоткавых пункта", - паведаміла фінустановы.

Раней "Банк ЗГБ" з 1 сакавіка знізіў да 0,01% гадавых стаўку на рэшту грошай на рахунках у далярах і расейскіх рублях для ўладальнікаў карт тарыфных планаў "Прывілей" і "Прывілей Лайт". Новыя правілы таксама выкарыстоўваюць для рахункаў, якія былі адкрытыя да гэтай даты. "На астатак сродкаў на рахунках у беларускіх рублях для прэміяльных кліентаў працягне налічвацца 3% гадавых", - удакладніла фінустановы.