Магутны пажар у раёне прамзоны ў Санкт-Пецярбургу патрапіў на відэа

Над горадам уздымаюцца клубы чорнага дыму.

Буйны пажар адбыўся сёння ў раёне прамысловай зоны на Валхонскай шашы ў Санкт-Пецярбургу, паведамляюць расСМІ. На кадрах з месца здарэння відаць, што над горадам уздымаюцца клубы чорнага дыму.

Паводле звестак журналістаў, агонь ахапіў будынак па адрасе Валхонская шаша, дом 4. Там размяшчаецца тэрыторыя абласной вытворчай зоны Гарэлава. На месцы пажару пацярпелі 2 чалавекі, яны шпіталізаваныя.