СМІ: Да нападу на Ізраіль ХАМАС рыхтавалі «вагнераўцы», якія выехалі з Беларусі
18- 9.10.2023, 16:31
- 31,856
Падрабязнасці.
Расея ўжо перадала тэрарыстам ХАМАСа захопленую падчас баявых дзеянняў ва Украіне трафейную зброю, вырабленую ў ЗША і дзяржавах ЕЗ.
Частка баевікоў ПВК «Вагнер», якія выехалі з Беларусі ў кірунку краін Афрыкі, былі ўцягнутыя ў падрыхтоўку і перадачу баявога досведу тэрарыстам ХАМАС.
Пра гэта паведамляе Цэнтр нацыянальнага супраціву ( ЦНС ) Сіл спецыяльных аперацый Украіны.
Там адзначылі, што ключавымі кірункамі падрыхтоўкі баевікоў ХАМАС сталі навучанне штурму і выкарыстанне малых беспілотных апаратаў для скідвання выбуховага матэрыялу.
«Толькі расейцы сярод хаўруснікаў ХАМАС маюць досвед ужывання дронаў з механізмамі скіду. Менавіта яго «вагнераўцы» перадавалі баевікам падчас вучэнняў у краінах Афрыкі», - гаворыцца ў паведамленні.
Таксама, паводле звестак ЦНС, Расея ўжо перадала тэрарыстам ХАМАСа захопленую падчас баявых дзеянняў ва Украіне трафейную зброю, вырабленую ў ЗША і дзяржавах ЕЗ.
Наступным крокам, на разлікі расейцаў, павінны стаць хлуслівыя абвінавачванні ўкраінскіх вайскоўцаў у продажы заходняй зброі для тэрарыстаў на рэгулярнай аснове.