У менскай школе прайшоў першы ў Беларусі «хмарны ўрок»
9- 16.05.2019, 20:04
- 13,301
У 7 «Б» класе менскай СШ №182 імя Карвата прайшоў незвычайны ўрок інфарматыкі.
Вучні змаглі вывучыць асаблівасці працы ў графічным рэдактары з дапамогай «хмарных» тэхналогій, паведамляе belmir.by.
У школе пры падтрымцы Галоўнага інфармацыйна-аналітычнага цэнтра Мінадукацыі быў усталяваны і ўведзены ў эксплуатацыю першы «хмарны» клас, а цяпер прайшоў першы ў краіне «хмарны ўрок».
Упершыню velcom|A1 прэзентаваў паслугу «Воблачны клас» у лістападзе мінулага года на ITE 2018 - міжнароднай спецыялізаванай навукова-тэхнічнай выставе-форуме «Інфармацыйныя тэхналогіі ў адукацыі».
Уся інфармацыя і дадаткі размяшчаюцца «ў воблаку» - на серверах дата-цэнтра кампаніі, а сам клас уяўляе сабой 16 працоўных месцаў на аснове «тонкіх» кліентаў - палегчаных версій кампутараў беларускай вытворчасці без цвёрдых дыскаў.
У рамках паслугі velcom|A1 таксама прэзентуе ўвесь неабходны на ўроку інфарматыкі камплект ліцэнзійнага праграмнага забеспячэння, уключаючы пакет Office і іншыя праграмы, якія не патрабуюць ліцэнзавання.
Кампанія ў тым ліку праводзіць першасную наладу абсталявання і ПА, навучае настаўнікаў інфарматыкі, аказвае гарантыйную сэрвісную падтрымку.
Перавагі «хмарных класа» - значна больш нізкі кошт і эканомія электраэнэргіі ў параўнанні са стацыянарнымі кампутарамі. Кошт аднаго працоўнага месца, уключаючы манаблок, рэсурсы дата-цэнтра і ПА, - 49 рублёў.