Стала вядома, якім будзе надвор'е да канца тыдня

Прагноз надвор'я ў Беларусі на 17 - 19 траўня.

17 траўня на паўднёва-заходняй палове Беларусі надвор'е будзе вызначаць франтальны раздзел, на астатняй тэрыторыі адаб'ецца ўплыў вобласці падвышанага атмасфернага ціску. Чакаецца воблачна з прасвятленнямі, піша Гідрамет.

Пераважна на паўднёва-заходняй палове кароткачасовыя дажджы, месцамі навальніцы і моцныя дажджы. Вецер усходні парывісты. Тэмпература паветра мінімальная ўночы ад +6°С на поўначы краіны да +16°С на поўдні; максімальная ў сярэдзіне дня +16.. +22°С, месцамі ў Гомельскай вобласці да +25°С. Атмасферны ціск істотна не зменіцца.

18-19 траўня большая частка тэрыторыі апынецца ў вобласці падвышанага атмасфернага ціску, толькі ў паўднёва-заходніх раёнах рэспублікі будзе адбівацца ўплыў маларухомай франтальнай сістэмы. Усталюецца цёплае надвор'е. Пераважна без ападкаў, толькі месцамі на паўднёвым захадзе краіны пройдуць кароткачасовыя дажджы, у асобных раёнах навальніцы. Вецер паўднёва-ўсходні сярэдні, пры навальніцах парывісты. Тэмпература паветра мінімальная ўночы ад +6°С на паўночным усходзе краіны да +15.. +16°С на паўднёвым захадзе, максімальная ўдзень +19.. +26°С.