Менскае «Дынама» папоўнілася братамі-блізнятамі

Хакеісты падпісалі аднагадовы кантракт са сталічнай камандай.

Блізняты з «Нёмана» Аляксандр і Сяргей Маляўкі падпісалі з менскім «Дынама» аднагадовы двухбаковы кантракт. 28-гадовыя хакеісты з'яўляюцца нападнікамі.

Пра гэта паведамляе прэс-служба.

Амаль усю кар'еру яны правялі ў роднай Гародні, толькі ў 2010-12 гадах пераходзілі ў арэнду ў «Ліду» і «Мінскія зубры» (МХЛ). З «Нёманам» Аляксандр і Сяргей чатыры разы станавіліся чэмпіёнамі Беларусі, яшчэ тройчы здабывалі сярэбраныя медалі.

Таксама на рахунку братоў перамога ў Кантынентальным кубку-2015 і ўдзел у Лізе чэмпіёнаў.