Вызначаныя звычкі, якія робяць чалавека шчаслівым

Дастаткова змяніць рацыён харчавання, займацца спортам і абдымацца.

Выканаўца абавязкаў кіраўніка Міністэрства аховы здароўя Уляна Супрун развянчала яшчэ адзін міф, які тычыцца гармону дафаміну – яго называюць таксама гармонам шчасця, гармонам любові і матывацыі. Пра гэта яна напісала на сваёй старонцы ў сацыяльнай сетцы Facebook, паведамляе hronika.info.

Супрун адзначыла, што згадкі ў СМІ пра гармоны шчасця, любові і матывацыі – з пункту гледжання навукі – няслушныя, бо гаворка ідзе пра нейрамедыятары, якія дзейнічаюць на нейроны ў галаўным мозгу і даюць чалавеку адчуванні радасці, трывожнасці, шчасця.

Яна адзначае, што пры парушэнні працы нейрамедыятараў у чалавека можа паўстаць шызафрэнія, аўтычныя парушэнні, хваробы Альцгеймера, Паркінсона, а таксама трывожнасць, дэпрэсія, выгаранне, дрымотнасць і безуважлівасць. Супрун тлумачыць, што неабавязкова ўсе гэтыя парушэнні трэба лекаваць медыкаментозна, часам дастаткова змяніць рацыён харчавання, даволі спаць, займацца спортам і абдымацца.

Паводле ейных словаў, дафамін – гэта малекула, якая дзейнічае толькі на некаторыя кавалкі мозгу. Да прыкладу, дафамін адказвае за задавальненне, самазаахвочванне да якога-небудзь віду дзейнасці (спорту, палення, кавы), чаканне чагосьці прыемнага, імкненне да навізны, рух, прыманне пастановаў, адэкватнае ўспрыманне рэчаіснасці, харчовыя і сэксуальныя паводзіны. І высокі ўзровень дафаміну – не заўсёды добра, бо парушэнне працы «дафамінавых прашывак» можа ўказваць на хваробу Паркінсона, сіндром дэфіцыту ўвагі, выклікаць гульнезалежнасць і шызафрэнію.

Уляна Супрун дала некалькі парадаў, як клапаціцца пра свае нейрамедыятары і падтрымліваць нармальны баланс жыцця. Яна парэкамендавала не займацца самалекаваннем і не прымаць сістэматычна транквілізатары або наатрапічныя прэпараты. Таксама яна раіць збалансавана харчавацца і насыціць рацыён вітамінамі С, В1, В6, В12 і Е, бо яны неабходныя для ўтварэння нейрамедыятараў і абараняюць нейроны ад пашкоджанні. Калі ў арганізме недахоп гэтых вітамінаў, то парушаецца ўтварэнне сератаніну, ацэтылхаліну і норадрэналіну.

Для таго каб адчуваць сябе шчаслівым, трэба есці хумус, фалафель, мяса птушкі, парэчкі, чарніцы, зялёны гарошак, стручковую фасолю, усе віды капусты, салодкі чырвоны перац, аўсянку, зялёную і белую гарбату, ваду і не ўжываць алкаголь.

Для тых, хто не можа адмовіцца зусім ад алкагольных напояў, Уляна Супрун парэкамендавала выбіраць маленькі келіх цёмнага піва, бо ў ім ёсць экстракт хмелю і вітаміны групы В. Таксама яна раіць рэгулярна займацца спортам, бо фізічная нагрузка не дае нейронам паміраць і дапамагае ім узаемадзейнічаць, выклікае вылучэнне дафаміну, сератаніну, эндарфіну.

«Падчас абдымкаў, сэксу, сузірання каханых і дзяцей і баўлення часу з аднадумцамі вылучаецца аксітацын – важны гармон і нейрамедыятар, абязбольвальнае, які супакойвае, і да таго ж павялічвае колькасць рэцэптараў ГААК – гама-амінаалейнай кіслаты галоўнага тармазнога нейрамедыятару мозгу. У людзей з разладамі трывожнасці і посттраўматычным сіндромам меншы ўзровень ГААК або рэцэптараў гэтага нейрамедыятару. А аксітацын аднаўляе адчувальнасць мозгу да ГААК і ўвогуле дорыць масу станоўчых эмоцый», – патлумачыла Супрун.

Акрамя таго, яна параіла не ігнараваць трывожныя сігналы, як сімптомы дэпрэсіі, недахопу ўвагі, ПМС, залежнасці, посттраўматычнага парушэння або трывожнага разладу. У такіх выпадках Супрун рэкамендуе пагутарыць з блізкімі і звярнуцца па прафесійную дапамогу.