Сайт «Хартыя-97» трэба захаваць за ўсялякую цану

За апошні месяц нас падтрымалі 74 чалавекі.

Галоўная рэдактарка Charter97.org Наталля Радзіна распавяла пра сітуацыю з сайтам:

- Дарагія чытачы «Хартыі-97»!

Дзякуй вам за дапамогу, якую вы надаяце нашаму сайту. Толькі дзякуючы вашай салідарнасці мы змаглі прапрацаваць яшчэ адзін месяц. Грошы ў гэтым месяцы пералічылі 74 чалавекі, якія не словамі, а справай падтрымалі свабоду слова ў Беларусі.

У мяне з'явілася надзея, што самае дрэннае мінула. Ва ўсякім выпадку, мы атрымалі «перадых». Днямі нас падтрымала аўтарытэтная праваабарончая арганізацыя Amnesty International («Міжнародная амністыя»), з якой мы будзем рэалізоўваць праект.

Польскі Фонд міжнароднай салідарнасці прапанаваў нам рэалізаваць трохмесячны праект. Перамовы яшчэ трываюць, але нас ужо запрасілі на падпісанне кантракту.

Адначасова мы звярнуліся ў некалькі новых фондаў, якія разглядаюць магчымасць супрацоўніцтва з сайтам «Хартыя-97». Доўжыцца пошук новых партнёраў.

У гэтыя цяжкія месяцы я пачула вельмі шмат слоў падтрымкі і салідарнасці ад палітыкаў, праваабаронцаў, журналістаў, простых чытачоў з усяго свету. Усе яны кажуць адно - сайт «Хартыя-97» трэба захаваць за ўсялякую цану.

Асаблівую падзяку хацела б выказаць Радзе Беларускай Народнай Рэспублікі і асабіста яе прэзідэнту Івонцы Сурвіле за ўручэнне мне медаля БНР. Гэта патроіла мае сілы.

Пакуль, на жаль, я не магу сказаць, што ўсе праблемы з фінансаваннем сайта Charter97.org развязаныя. Мы па-ранейшаму маем патрэбу ў вашай падтрымцы. Устойлівая дзейнасць рэдакцыі забяспечаная да канца лета.

Яшчэ раз дзякуй. За вашу і нашу свабоду!

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]