Брытанскія банкі адмовіліся вярнуць рэжыму Мадуры 80 тон золата
9- 25.04.2019, 16:30
- 11,834
Міжнародныя актывы перадаюцца пад кантроль венесуэльскай апазіцыі.
Банкі Вялікай Брытаніі адмовіліся перадаць Венесуэле 80 тон золата з запасаў балівійскай рэспублікі, заявіў начальнік ГРУ Генштаба ВС РФ віцэ-адмірал Ігар Касцюкоў.
«Банкі Вялікай Брытаніі адмаўляюцца вяртаць 80 тон венесуэльскага золата», - цытуе Касцюкова РІА «Новости». Ён дадаў, што міжнародныя актывы перадаюцца пад кантроль венесуэльскай апазіцыі.
У канцы студзеня Банк Англіі таксама адмовіў дыктатару Нікаласу Мадуру ў вяртанні залатых зліткаў на суму 1,2 млрд даляраў, якія захоўваюцца ў банку. Паводле звестак СМІ, пастанова была прынятая на просьбу дзяржсакратара ЗША Майкла Пампэа і дарадцы амерыканскага прэзідэнта ў нацбяспецы Джона Болтана.
