Плыўчыха Анастасія Шкурдай устанавіла новыя нацыянальныя рэкорды

16-гадовая берасцейка прайшла адбор на чэмпіянат свету, універсіяды і Алімпійскія гульні адразу ў некалькіх дысцыплінах.

З 17 да 20 красавіка ў Берасцейскім абласным цэнтры алімпійскага рэзерву ў водных тыпах спорту адбыўся адкрыты чэмпіянат Беларусі ў плаванні, піша «Брестская газета».

У ім бралі ўдзел 295 спартоўцаў з сямі краін: Беларусі, Расеі, Латвіі, Азербайджана, Кыргызстана, Малдовы і Грузіі. Гэтыя спаборніцтвы з'яўляліся адборачнымі на чэмпіянат свету ў плаванні ў Карэйскім Кванджу (21 - 28 ліпеня 2019 года), Сусветнай універсіядзе ў італьянскім Неапалі (3 - 14 лiпеня 2019) і Алімпійскія гульні ў Токіё (24 ліпеня - 9 жніўня 2020 года ).

Беларуска Настасся Шкурдай устанавіла чарговыя рэкорды. У першы дзень чэмпіянату яна праплыла дыстанцыю 100 м на спіне за 1.00,59 хвіліны і перасягнула сваё ж дасягненне на 0,03 секунды, яе адабралі на чэмпіянат свету і Універсіяды. Таксама Насця падчас эстафеты 4×100 м вольным стылем устанавіла юнацкі рэкорд Беларусі, праплыўшы сваю «сотку» за 56,08 секунды.

У пятніцу, 19 красавіка, берасцейка абнавіла свой юнацкі і нацыянальны рэкорды. 100 м батэрфляем скарыліся ёй за 57,75 секунды. Гэты рэкорд дапамог Насці адабрацца на чэмпіянат свету, універсіяды і Алімпійскія гульні.

У заключны дзень спаборніцтваў Анастасія Шкурдай здабыла яшчэ адзін залаты медаль. Яна праплыла 200 м комплексам за 2.14,77 хвіліны і адабралася на Універсіядзе ў Неапаль. У выніку юная берасцейка перамагла ва ўсіх дысцыплінах, у якіх брала ўдзел, акрамя адной. Яна праплыла 50 м батэрфляем хутчэй за ўсіх - за 26,27 секунды. Але гэты вынік суддзі анулявалі праз парушэнне правілаў.