Ягор Буяльскі: У матчы з расейцамі стварыць сенсацыю не магчыма, а трэба
- 24.04.2019, 20:26
- 7,884
Форвард юніёрскай каманды Беларусі (U-18) падзяліўся чаканнямі ад чвэрцьфінальнага матчу ЧС-2019 з РФ.
Форвард юніёрскай каманды Беларусі (U-18) Ягор Буяльскі падзяліўся чаканнямі ад чвэрцьфінальнага матчу чэмпіянату свету-2019 з расейцамі.
- Усё выдатна. Хочам выйграць, прайсці далей і змагацца за медалі.
- Чаму надавалі ўвагу на трэніроўцы?
- Рабілі ўпор на тактыку. Яшчэ раз прапрацавалі большасць і меншасць. Улічылі памылкі папярэдніх матчаў.
- Якія высновы зрабілі пасля сустрэчы са Швейцарыяй?
- Трэба выходзіць і змагацца з першай хвіліны да апошняй. Нельга пачынаць так, як мы пачалі. Патрэбная поўная канцэнтрацыя.
- Глядзеў учора матч расейцаў са шведамі? Як табе?
- Зачапіў першы перыяд. Нічога асаблівага - нам па сілах даць бой.
- Адчуваецца важнасць моманту? Усё ж такі можна стварыць гісторыю...
- Не можна, а трэба.
- У чым наша сіла?
- У каманднай гульні. Трэба захоўваць пазітыў, падтрымліваць адзін аднаго, верыць у сябе - тады ўсё атрымаецца, - цытуе Буяльскага прэс-служба ФХБ.
Матч Беларусь - Расея пройдзе 25 красавіка і пачнецца а 16.30 паводле беларускага часу.